اسلام آباد۔19اکتوبر(اے پی پی):وزیراعظم دے معاون خصوصی جواد سہراب ملک ٻاہرلے ملک رہݨ آلے پاکستانی کارکناں دے واجبات دی وصولی س??نڳے او پی ایف ویب پورٹل دا آغاز کر ݙتے تاں جو پاکستانی تارکین وطن کوں سہولت ݙتی ونڄ سڳے ، اے سروس تنخواہ، موت اتے معذوری دے معاوضے اتے کارکناں دے ٻئے الائونس جیویں واجبات دی ادائی??ی کوں تکھا کرݨ اچ مدد ݙیسی ۔ وزارت سمندر پار پاکستانی اتےانسانی وسائل دی ترقی دی طرفوں خمیس کوں جاری بیان موجب انہاں اوورسیز پاکستان فائونڈیشن (او پی ایف) ہیڈ کوارٹرزاچ واجبات دے انتظام سانڳے ویب تے مبنی ایپلی کیشن دا باضابطہ اجرا کیتے اتے ٻاہرلے ملک رہݨ آلے پاکستانیاں کوں سروسز ݙیوݨ کوں چنڳاں بݨاوݨ کیتے ٹیکنالوجی دے ودھ توں ودھ استعمال تے زور ݙتے۔ انہاں آکھیے انٹرنیٹ سروس ڈیلیوری انقلاب برپا کر ݙتے کیوں جو ایں پوری دنیا اچ کاروبار دے طریقہ کار کوں بدال ݙتے ۔ مزید اے نویں ٹیکنالوجی ترقی دا باعث وی بݨی اے، ایویں ، جدید ترین ٹیکنالوجی دا استعمال کریندے ہوئیں کاروبار?? عمل کوں چنڳے طریقے نال منظم کرݨ دا موقع ݙتے ۔ و??ب تے مبنی نظام دے نفاذ نال او پی ایف حکام دی اوورسیز پاکستانیاں دے بقایا جات دے کیس نمٹاوݨ دی رفتار ودھ ڳئی اے ۔ ہݨ ساریاں درخواستاں اپݨی اصل جاہ ، جیڑھے جو ٻ??ہرلے ملک پاکستانی مشنز اچ کنٹری ویلفیئر اتاشیاں دے دفتر ہن، پر براہ راست سسٹم اچ داخل تھیندن ۔ اے دستی ڈیٹا انٹری کیتے او پی ایف کوں ہارڈ کاپی ایپلی کیشنز بھیجݨ دی س??بقہ لوڑھ کوں ختم کرݙیندے جیں اچ تقریبا 30 ݙینھ لڳدے ہن ۔ نویں نظام نال درخواستاں دی ایں ٻوجھل منتقلی دے ویلھے کوں گھٹ کرتے صرف کجھ منٹ تئیں گھن آیا ڳئے ۔ پورے ایپلی کیشن ورک فلو کوں آٹومیشن دے ذریعے سوکھا بݨایا ڳئے۔
